Keflavík og Grindavík
Það er óhætt að segja það að síðustu dagar hafa verið erfiðir hér á Reykjanesinu og sérstaklega fyrir nágranna okkar í Grindavík þar sem búið að er rýma heilt bæjarfélag.
Við hjá Keflavík settum okkur strax í samband við framkvæmdarstjóra og yfirþjálfara deilda hjá Grindavík í gær og buðum fram aðstoð okkar. Þeir þjálfarar hjá UMFG sem geta einnig mætt með iðkendum sínum á æfingar ef þess er kostur. Það er nokkuð ljóst að það eru sennilega margar fjölskyldur sem dvelja hér í bæjarfélaginu núna og okkar dyr standa opnar fyrir iðkendur Grindavíkur sem stunda íþróttir og eru þið öll velkomin á æfingar hjá Keflavík. Þess má geta að Keflavík er í samtarfi með Reyni, Víði og Njarðvík í stúlknaflokkum í knattspyrnu og með Reyni og Víði í 2. flokki karla og kvenna.
Hér má finna æfingatöflur hjá deildum okkar og ef það eru einhverjar spurningar þá má endilega senda á hjordis@keflavik.is
Við vonum svo sannarlega að allt fari á besta veg og lífið fari í eðlilegan farveg á endanum. Í íþróttasamfélaginu erum við öll ein fjölskylda og stöndum saman þegar á reynir. Hugur okkar er hjá fólkinu í Grindavík á þessum óvissutímum
