Í tilefni 30 ára afmælis Reykjanesbæjar þá ætlar Keflavík að bjóða bæjarbúum í Litahlaup. Hlaupinn verður léttur hringur, ca 1,5 km, frá Bluehöllinni / HS orku vellinum þar sem við byrjum og endum. Við byrjum upphitun rétt fyrir 13:00 með tónlist og mun DJ Lexi koma okkur í stuð. Við hvetjum þátttakendur til að mæta í klæðnaði sem hentar hlaupinu. Við vekjum svo athygli á að frítt er í sund og tilvalið að skella sér í laugina eftir hlaupið.